చరిత్ర

Image Not Found

దేవాలయ చరిత్ర

శ్రీసత్యసాయి జిల్లా లోని ధర్మవరం చేనేత పరిశ్రమకు పెట్టింది పేరు ధర్మవరం పట్టుచీరలకు ప్రపంచ ప్రఖ్యాతి ఉంది. అందమైన ఆకర్షణీయమైన కళానైపుణ్యానికి ధర్మవరం చీరలు పేరెన్నికగాన్నాయి. ఎన్నో శతాబ్దాలుగా ధర్మవరంలో చేనేత కళాకారులు ఎన్నో శతాబ్దాలుగా ధర్మవరంలో చేనేత కళాకారులు తమ కళా నైపుణ్యాన్ని ప్రదర్శిస్తూ ఈ పట్టణానికి ప్రత్యేకతను ఆపాదించారు.

అలాంటి ప్రఖ్యాతిగాంచిన ధర్మవరం పట్టణంలో ఆధ్యాత్మికంగా శ్రీ లక్ష్మీ చెన్నకేశవ స్వామివారి ఆలయం అలరారుతోంది. ఎంతో కళాత్మకంగా ఆధ్యాత్మిక ఆధ్యాతిక బంధురంగా ఈ క్షేత్రం విరాజిల్లుతోంది. ప్రధాన రాజ గోపురానికి ఇరువైపులా గరుక్మమంతుడు మరియు ఆంజనేయుడు విగ్రహాలు వర్ణమయ శోభతో ఆకర్షింపచేస్తాయి.అనంతపురం జిల్లాలో ఎన్నో శతాబ్దాలుగా ఈ ఆలయ ప్రశస్తి బహుళ ప్రచారంలో ఉంది.

ప్రధాన గోపురంపై శ్రీహరి దాల్చిన దశావతార వైభవం విష్ణు దేవుని పలు స్వరూపాలు ప్రకటితమౌతాయి. గత 1000 సంవత్సరాలుగా ఈ ఆలయం కొనసాగుతోంది అనడానికి ఎన్నో ఆధారాలు ఉన్నాయ్. లక్ష్మి చెన్నకేశవస్వామి ఆలయం ఇక్కడ ఆవిర్భవించడానికి ఎన్నో కథనాల్ని నేపథ్యంగా ప్రస్తావిస్తారు. మహాభారతంలో శ్రీకృష్ణుడే స్వయంగా తనని కేశవుడు అని చెప్పుకున్నాడు. విష్ణువుని అంశులు అనగా కిరణాలు ప్రకాశిస్తున్నాయో వారికి కేశములు అని పేరు. అలాంటి కేశములు కలవాడు కాబట్టి కేశవుడని సర్వజ్ఞులు వ్యవహరిస్తున్నారు.

    విష్ణువు విరాట్ తత్వానికి ప్రతీక చెన్నకేశవస్వరూపం విష్ణువు పరిపూర్ణ యశస్సు శ్రీహరి సకల తేజస్సు చెన్నకేశవ రూపంలో అభివ్యక్తమౌతుంది. అలాంటి స్వామిని మనసారా సేవించుకొని భక్తులు స్వామి దివ్య అనుగ్రహానికి పాత్రులు అవుతారు. గర్భాలయంలో చెన్నకేశవ స్వామి సాక్షాత్తు నారాయణ స్వరూపునిగా విరాజిల్లుతున్నాడు.  గదాయుద దారిగా దండాన్ని చేతబూని శంకు చక్రాన్ని చేత దాల్చి తులసి మాల అలంకృతుడైన చెన్నకేశవ స్వామి తేజరిల్లుతాడు. సంపూర్ణ రజత కవచాలాలంకృతంగా స్వామి జగదేక మోహన మూర్తిగా భక్తుల ముంగిట ప్రకటితమౌతాడు. కేశవుడు అనే నామానికి ఎన్నో సంకేతార్థాలున్నాయి. అందమైన కేశములు కలవాడు కనుక స్వామిని కేశవుడు అని అంటారు. కేసి అనే రాక్షసుడిని హతమార్చడం వాళ్ళ కేశవుడు అని పేరు ఉందని విష్ణు పురాణం తెలుపుతుంది. ఇంతటి రమ్యమైన మోహన మూర్తిగా స్వామి భక్తాభీష్ట వరదునిగా దర్శనమిస్తున్నాడు.

    ధర్మవరంలోని చెన్నకేశవ స్వామి ఆలయాన్ని ఎంతో మహిమాన్వితమైనదిగా భక్తులు విశ్వసిస్తారు. శ్రీ చెన్నకేశవ స్వామి దివ్య మంగళ విగ్రహానికి ఎన్నో ప్రత్యేకతలు ఉన్నాయి. పూర్తిగా ఈ మూర్తి సాలగ్రామ శిలాశోభితం. స్వామి శిరస్సు పైన అర్థ చంద్రా కృతిలో దశావతారాల చిహ్నాలు ఉంటాయి.  స్వామి వక్షస్థలలో లక్ష్మీదేవి హృదయీస్వరిగా విరాజిల్లుతోంది.  స్వామి విగ్రహ పాదపీఠ సమక్షంలో ఇరువైపులా శ్రీదేవి భూదేవి మూర్తులు ఉంటాయి.  ఒకే మూర్తులు స్వామి నిజరూపం దశావతారాలు వ్యూహ లక్ష్మి ఇరుదేవేర్లు ఉండటం ఈ చెన్నకేశవ స్వామి విగ్రహకృతి ప్రత్యేకత.

    • కేశవుని కేశములు సూర్య కిరణాలాంటివి అవి అజ్ఞానం అనే చీకట్లం తొలగించి విజ్ఞాన కాంతుల్ని దర్శింపచేస్తాయి. ఆ రవికిరణ ప్రభావం మనకు నిత్యం కలగడానికి ప్రతి రోజు త్రికాలన్ను కేశవ నామో చరణతో ఓం కేశవాయ స్వాహా అంటూ పూజిస్తున్నాము. ఒకప్పుడు కీచక మహాముని ఉదయాద్రి అనే పర్వతం పై తపస్సు చేయగా స్వామి అనుగ్రహించి చెన్నకేశవునిగా ప్రత్యక్షం అయినట్లుగా చెపుతారు. ఆ రూపంలోనే ఇక్కడ వెలసి ఉండమని స్వామిని ముని అభ్యర్థించగా స్వామి ఇక్కడ వెలసినాడని ప్రతీతి. 

    ఓం కేశవాయ స్వాహా
    Sri%20Lakshmi%20Chennakeshava%20Swamy%20Temple

     

     

    మరో కథనం ప్రకారం విజయనగర సామ్రాజ్య స్థాపకులైన హరిహర బుక్కరాయల సామంతుడైన క్రియాశక్తి వడయార్ కు కేశవ స్వామి స్వప్నంలో గోచరమై తన ఉనికిని తెలియజేశారని చెప్తారు. విజయనగరం రాజుల సామంతుడైన క్రియాశక్తి వడయార్ ధర్మవరంలో బస చేశాడు ఆ సమయంలో ధర్మవరానికి సమీపంలోని కుంటిమద్ది గ్రామంలో ఓ రైతు పొలం దున్నుతుండగా శ్రీ భూనీళా సమేత చెన్నకేశవ స్వామి విగ్రము భూమి నుండి బయటపడ్డాయి.

    క్రియాశక్తి వడియాకి స్వామి స్వప్నంలో సాక్షాత్కారమై తనకు ఆలయాన్ని నిర్మించి తనను ఆలయంలో ప్రతిష్టించవలసిందిగా ఆదేశించాడని క్షేత్ర పురాణం. స్వామి ఆదేశం మేరకు ధర్మవరంలో క్రియాశక్తి వడియార్ స్వామివారికి ఆలయాన్ని నిర్మించాడు.

    అమ్మవారి మూర్తితోపాటు ఆళ్వారుల మూర్తులను కూడా భక్తులు దర్శించుకుంటారు. స్తంభాకృతిపై కపీసుడైన ఆంజనేయుడి ఆకృతి ఉంటుంది. ఆలయ గోడపై నాగబంధం విలక్షణంగా శిల్పించి ఉంటుంది. చెన్నకేశవ స్వామికి అభిముఖంగా గరుడ ఆళ్వార్ సన్నిధి ఉంటుంది. ఈ మూర్తి కి సమీపంలో స్వామివారి భారీ పాదుకలు ఉంటాయి. భక్తులు ఈ పాదుకలకు నమస్కరించి ప్రణమిల్లుతారు. ఆలయ ప్రాంగణంలో ఉండే రావి చెట్టు కింద సుబ్రమణ్య స్వామి సర్పాకృతిలో నెలకొని ఉంటాడు.